BUTUAN CITY – Kamulo pa og imbestigar ang kapulisan sa Buenavista, Agusan del Norte sa tinuod nga hinungdan sa paghikog sa usa senior citizen sa Purok-3 Brgy. Abilan kagahapon sa hapon.
Sa pakighinabi sa Bombo Radyo Butuan, gi-ila ni Patrolman Justine Bryan Bongalon sa Buenavista PNP, ang biktimang si Reynaldo Cataluna, 60-anyos, biyudo ug residente sa nasangpit nga lugar kinsang patay’ng lawas nakit-an na lang sulod sa banyo human naghikog gamit ang pisi.
Sa ilang pagpangutana sa anak sa biktima duna na matod pa kini’y suicide attempt niadtong buhi pa ang ilang inahan.
Migawas pa sa ilang imbestigasyon nga duna kini’y uyab nga magtutudlo ug sa pagsusi nila sa cell phone niini, nasuta nga duna pa kini katapusang mensahe ngadto na usa ka “Lelit” nga gituohang mao ang uyab niini.
Gisaysay pa sa mga silingan sa biktima nga adiser ang maong hitabo, nakit0-anpa nila kining malipayong nakigsayaw sa iyang hinigugma diha sa iyang panimalay.
Asoy usab sa usa nila ka silingan, mibabay pa kanila ang biktima adiser ug pila ka oras dihang wala na kini migawas sa pultahan, ila na kining gisulod sa panimalay ug didto na nakita ang nagbitay nga lawas sa biktima.
