BUTUAN CITY – Magpahigayon og libreng sakay ang lokal nga kagamhanan ning siyudad sa Butuan ngadto sa katawhan nga moduaw sa mga sam-ang karong kalag-kalag.
Himuon ang libreng sakay ugmang adlawa, Nobyembre Uno ug Dos, sa alas 8:00 sa buntag ngadto na sa alas 5:00 sa hapon.
Gamit ang mga bag-ong de-pasaheruang sakyanan ning dakbayan, mamahimong mosakay ang publiko sa may dakong mall ning siyudad isip pick-up point ngadto na sa Barangay Bancasi diin nahimotang ang Chinese Cemetery.
Sa eksklusibong pakighinabi ning sibyahan kang Butuan City Councilor Cromwell Nortega, gipadayag niining sa pipila ka tuig nang kasinatian atol sa Kalag-kalag, daghang katawhan ang magbaktas nalang sa ilang pagbisita sa mga sam-ang ning siyudad tungod sa kakulang sa mga pasaheroang sakyanan ilabina nga kadaghanan sa mga drayber, mobisita usab sa ilang mitaliwan nang mahal sa kinabuhi.
Tungod niini, nakig-alayon ang LGU sa mga organisasyong pwede makatabang sa himoong libreng sakay nga duna usa’y ihatag nga libreng masahe sulod sa sakyanan.
Himuon ang libreng sakay ugmang adlawa, Nobyembre Uno ug Dos, sa alas 8:00 sa buntag ngadto na sa alas 5:00 sa hapon.
