BUTUAN CITY- Gipapha sa Philadelphia 76ers ang 3-1 deficit sa best-of-seven series niin sa Boston Celtics ug hugot na nga gitabla sa 3-3 ang away. Kini human gipildi na usab sa Sixers ang 2024 champion sa Game 6 ug gipugos ang Game 7, sa skor nga 106-93.
Gipangunahan sa bagitong guard nga si Tyrese Maxey ang kadaogan sa Philadelphia ug sulod sa 40 minutos sa iyang pagdula napasulod niini ang 11 shots gikan sa 22 nga iyang gibuhi-an. Mingkamada usab kini sa lima ka libre ug duha ka steal.
Sa pagtapos sa away gikuptan ni Maxey ang +15 performance, lakip ang 30 points ug 5 ka assists.
Wala na gipaporma sa Sixers ang explosive duo sa Boston nga sila Jayson Tatum ug Jalen Brown, kauban ang uban pang Celtics players.
Wala sa mga niini ang nakahimo og 20-point performance samtang ming-abot lang sa 18 points ang pinakataas sa individual score. Nahimo kini sa 2024 Finals MVP nga si Brown.
Ingon man sa free throw range wala gihapon na sweretehan ang mga nini human mingsablay ang 6 gikan sa 16 ka attempts sa grupo. Sa Sixers, nahimo sa grupo nga isulod 17 gikan sa 19 ka attempts niini.
Sa tunga-tunga sa away, ming-abot pa sa 23 points ang pinakataas nga lead sa Sixers kansa nagpakita og pagkontrol niini sa maong away.
Tungod sa kadaogan sa Sixers, magpadayon sa Game 7 ang serye tali sa duha ka grupo nga mahitabo na sa Philadelphia.
