BUTUAN CITY – Midistansya ang usa ka kwalisyon sa mga lideres sa Baptist church sa nasud gikan kang Manila Representative Benny Abante dayong padayag sa ilang suporta alang kang Vice President Sara Duterte.
Nag-isyu og manifesto of support ngadto kang VP Sara ang mga lideres ug mga pastor gikan sa 75 ka mga Pilgrim Bible Baptist churches sa entiro nasud uban sa lain pa nga mga affiliated congregations.
Giklaro pa sa maong mga church leaders explicitly nga si Rep. Benny Abante, kinsa usa iusab ka Baptist pastor, wala nagrepresenta sa baruganan sa ilang komunidad ilabina sa iyang political opposition ngadto sa besi presidente.
Hinuon ilang gidayeg si VP Sara tungod sa kawala’y makita sa iyang pagkatawo nga nabalaka kini gawas pa nga dili makita kaniya ang aura sa pagkapildi ug suportado nila ang mga panawagan niining accountability sa mga iregularidad nga nahitabo sa gobyerno tungod sa kaylap nga harap-harapang kurapsyon.
Natigayon kini samtang nagka-init na ang political tensions ug timaan lang sa dayag nga panagbahin-bahin sa mas lapad nga Baptist community tali sa iyang baruganan sa pulitika ug 75 ka mga Pilgrim Bible Baptist churches.
