BUTUAN CITY – Gipaneguro ni Naga City Mayor Maria Leonor “Leni” Robredo nga dili na siya modagan sa 2028 national elections ug mas gipili niya nga ipadayon ang serbisyo isip alkalde sa Naga City para sa posibleng ikaduhang termino.
Sigon ni Robredo nga wala sa iyang plano ang mobalik sa taas nga posisyon ug mas gusto niyang tutukan ang mga nahabiling proyekto sa siyudad.
Dugang pa niini nga dunay mga tawong nagtuklod kanya nga subling modagan sa national level apan nagtoo siya nga daghan pang ubang kayang modumala sa nasud.
Ang iyang pamahayag misunod sa mga estorya mahitungod sa posibleng pagmugna og nagkahiusang oposisyon para sa 2028 elections, diin lakip sa oposisyon sila Senador Bam Aquino, Kiko Pangilinan, Risa Hontiveros, Mamamayang Liberal Party-list Rep. Leila De Lima, Akbayan Party-list Rep. Chel Diokno, former senator Franklin Drilon, ug former Budget secretary Butch Abad.
Samtang subling mibanha ang estorya sa pulitika human usab nalitok ang pipila ka posibleng modagan para sa 2028 elections apan nanawagan ang Malacañang nga itutuk una ang pagtagad sa trabaho ug dili magpaapekto sa mga hongi-hong.
