BUTUAN CITY – Milagrong naluwas nga buhi ang usa ka lalaki human kini natrap sulod sa walo ka adlaw sa naguba nga dakbalay tungod sa sunod-sunod nga kusog nga lindog nga miigo sa Venezuela.
Malampusong nakuha sa mga emergency worker si Hernán Gil kapin sa 100 ka oras sukad sa unang higayon nga natultolan ang iyang nahimutangan ilawom sa gibana-bana nga 140 ka tonelada nga naguba nga istruktura.
Gihulagway sa usa ka bombero gikan sa nasod sa Chile ang maong operasyon nga, mao ang labing komplikado ug teknikal nga kalisdanan nga iyang naatubang” sa tibuok niyang karera.
Nasayrang halos 2,300 ka tawo ang kumpirmadong namatay sa kaluha nga linog nga mitay-og sa Venezuela niadtong Hunyo 24, samtang padayon pang gipangita ang liboang mga tawo nga missing.
Sigon ni Allan Madrigal, usa ka paramedic sa Costa Rican Red Cross, nga si Gil nga “anaa sa maayong kondisyon” bisan paman sa kapait nga iyang nasinatian.
Si Madrigal mao ang rescuer nga nakadungog sa hinay nga hilak ug pakitabang ni Gil nga milanog gikan sa ilawom sa mga naguba nga semento niadtong Dominggo.
Dinhe naglumba ang mga rescuer sa pagkalot aron daling maluwas ang maong security guard.
Nasayran nga duty si Gil sulod sa usa ka gamay nga konkretong guard booth sa basement sa parking lot tapad sa mall sa Catia La Mar sa dihang miigo ang kaluha nga linog.
Gituohan nga ang maong booth nagsilbing taming o kabhang nga nanalipod kaniya gikan sa 140 ka tonelada nga debris nga nahugno sa palibot ug ibabaw kaniya.
