-- ADVERTISEMENT --
BUTUAN CITY – Hingpit nang nakit-an ang na-missing nga lalaki human kini mitabok sa suba sa P-7, Barangay Puting Bato, Cabadbaran City, Agusan del Norte.
Pasado alas 8:00 sa buntag niadtong Marso 3 sa dihang nakaplagan ang biktima nga si Alfredo Barrios Legaria, 27-anyos nga residente sa P-1, Barangay San Roque, Prosperidad, Agusan del Sur sa may Cabadbaran River, Matba Quary Site, sa P-3, Barangay Katugasan, Cabadbaran City, Agusan del Norte.
Una nang gitaho ngadto sa Cabadbaran City Police Station nga na-missing ang biktima niadtong Marso 1 human kini mitabok sa suba padulong sa umahan tungod sa kasulog sa suba diin na-anod ang biktima.
