BUTUAN CITY – Laing radyo na usab nga tinuli sa dial sa Radio Mindanao Network kon RMN ang gisurender sa usa ka ginang dinhi sa sibyahan sa Bombo Radyo kaganinang buntag.
Sigon ni Estrellita Cabusao sa Purok Orchids, Brgy. Pagatpatan ning siyudad sa Butuan, gihatag ang maong radyo sa taga-RMN ngadto sa iyang papa nga lima ka tuig na ang nakalabay.
Nakadungog matud pa ang iyang amahan sa radyo sa ilang silingan nga pabayluan ang mga radyo nga duna’y fixed dial ug siya na ang gisugo pagsurender niini dinhi sa broadcast center.
Tungod niini, iyang nadawat ang bag-ong radio set gikan sa Bombo Radyo Philippines nga maoy maghatag kaniya ug sa iyang amahan og kagawasan nga makapaminaw sa radio station nga gusto nilang paminawan.
Emosyunal pa kining nakapasalamat dihang nadawat ang pahalipay nga 3-mil pesos nga salaping cash isip sayong pinaskuhan sa Bombo Radyo Philippines alang kanila.
