BUTUAN CITY-Sugdan na usab ning adlawa ang laing pag-usbaw sa presyo sa produktong Petrolyo diin asa adunay pag-usbaw og P6.47 matag litro ang presyo sa gasolina.
Sa diesel usab, adunay oil price hike nga P11.88 matag litro sa presyo samtang ang kerosene adunay pagsaka og P13.66 matag litro.
Taliwala sa maong pag-usbaw, giklaro ni Department of Energy Secretary Sharon Garin, nga inanay’ng mingkalma ang presyo sa mga produktong petrolyo sa pangkalibotanong merkado, kung asa mas ginagmay ang mga pagsaka kumpara sa nakalabay nga mga adlaw.
Padayon usab ang panawagan sa Energy Department sa mga kompanya sa lana nga magpatuman og staggered o hinay-hinay nga umento sa presyo sa mga produktong petrolyo.
Sigon pa ni Sec. Garin, nga mo-lungtad pa hangtud sa unang simana sa Mayo ang fuel stockpile dungan sa pag-abot sa mas daghang deliveries.
