BUTUAN CITY – Gisaway ni Vice President Sara Duterte ang Office of the President of the Philippines tungod sa ulahing pagpagawas sa iyang travel authority, nga naka-apekto sa iyang biyahe ug nagbutang sa alanganin kung tugutan siyang mubiyahe rason nga iyang gibag-o ang iyang travel plans.
Nasayrang gi-aprubahan sa Malacañang ang iyang travel authority kagahapon Abril 22 alang sa iyang biyahe abroad rason nga gihangyo niya sa Palasyo nga aprubahan og sayo ang sunod niyang travel request aron malikayan ang aberya sa preparasyon ilabina nga importante ang pagkupot sa mga sensitibong dokumento.
“Thank you for the last-minute issuance of the travel authority. I regret to inform you that the plans have since changed due to uncertainty as to whether I will be permitted to depart. You will be receiving a new request soon. Please ensure that the necessary documents be processed and issued promptly, allowing sufficient time for travel preparations rather than only a few hours before the intended departure,” sulat ni VP Sara Duterte.
Ang isyu dungan sa impeachment hearings batuk kaniya sa Kamara ug sa buwag nga desisyon sa International Criminal Court kalabot sa apela sa iyang amahang si kanhi Pangulong Rodrigo Duterte.
