BUTUAN CITY – Kampante ang Department of Justice (DOJ) nga mapabalik si former Ako Bicol Party-list Rep. Zaldy Co sa Pilipinas gikan sa Czech Republic.
Sumala sa Justice Secretary nga si Fredderick A. Vida, 99% ang iyang kasiguraduhan nga mabalik sa nasud ang kanhe magbabalaod.
Bisan pa niini, giangkon niyang dili siya makahatag og tukmang ‘timetable’ o petsa kung kanus-a matuman ang pagbalik ni former Cong. Zaldy Co.
Sigon ni Vida nga dili niya gustong magdali o mnaguna sa “independence” sa gobyerno sa Czech Republic, nga adunay hurisdiksyon sa kaso sa kanhe kongresista sa kasamtangan.
Si Justice Secretary Vida, kauban si Justice Chief State Counsel Dennis Chan, anaa karon sa Czech Republic aron makigpulong sa mga awtoridad ug mga representante sa maong nasud.
Katuyuan niini ang pagsugod og pormal nga dayalogo tali sa Pilipinas ug Czech Republic, aron mahisgutan ang sitwasyon ni former Rep. Zaldy Co.
Sumala pa sa DOJ, prayoridad ang isyu sa mga otoridad tungod kay dako ang atensyon sa publiko sa kahimtang sa pagbalik ni Co sa Pilipinas.
Mahitungod sa posibilidad nga mag-aplay og ‘asylum’ si Zaldy Co, nagpasidaan si Vida nga magpabilin silang nga ang gobyerno magmadaugon sa pagpabalik gihapon si Co sa nasud.
Sa laing bahin, giangkon ni Justice Spokesperson Atty. Polo Martinez nga walay kasiguraduhan kung si Co ba makauban sa grupo sa kalihim ug mga opisyal sa pagbalik nila sa Pilipinas.
