BUTUAN CITY – Mi-apela ang Association of Southeast Asian Nations kon ASEAN ngadto sa Myanmar nga buhian ang tanang mga nadetine sa maong nasud human ang pagbuhi sa kapin 4-mil ka mga binilanggo karon lang buwana.
Gipamugos sa regional bloc ang ilang pag-ila sa naha-unang lakang sa kagamhanan sa Myanmar pagbuhi sa libuang mga binilanggo nga gipriso sukad sa paglingkod sa military junta.
Gihingusgan sa grupo ang pagsunod na usab sa uban pang mga binilanggo apil na ang napalagpot nga lider nga si Aung San Suu Kyi isip kabahin sa pag-asdang na usab sa tinud-anay nga panagsabot ug kalinaw sa maong nasud.
Gi-ila usab sa ASEAN nga usa ka positibong lakang ang paghatag og amnestiya sa pipila ka mga foreign nationals nga atua sa maong nasud apil na ang luwas nga pagpabalik kanila sa ilang tagsa-tagsa ka nasud dayong panawagan nga hunungon na ang pagsabwag og kagubot.
Nanawagan isab ang regional bloc nga tugutang makasulod ang mga civic groups aron makahatag og humanitarian assistance. Padayon usab silang mibarog nga hingusgan ang 5-point consensus isip nag-unang giya sa pagresolba sa political crisis.
