BUTUAN CITY – Wala gitugot sa Korte Suprema ang gipangayo ni Atty. Harry Roque nga writ of amparo ko special protection order batok na sa House of Representatives Quad Committee.
Kahibaloan nga nangayo og tabang-legal si Roque sa Supreme court human kini gi contempt sa House of Representative Quad committee tungod sa wala niini pag salmot sa mga gikatakdang pagdungog, ingon man pakyas usab kini nga makahatag sa mga gipangayong dokumento sa nasangpit nga komitiba.
Apan sumala sa Korte Suprema nga dili matud pa haum ang writ amparo alang kang Roque batok sa contempt order sa Quad Committee tungod kay ang maong remedyo, alang raman niadtung mga tawo nga dunay hulga sa katungod sa kinabuhi, kagawasan, ug ingon man sa siguridad, kansa mamahimo matud pang giimposar pinaagi sa unlawful Act o kaha omission of a public official o employee, o diba kaha sa pribadong indibidwal.
Pagklaro pa sa Korte nga ang writ of amparo nga gipangayo ni Roque, kay alang lamang niadtung mga kaso nga naglambigit sa extralegal killings, kalit nga pagkawala, ug mga hulga sa kinabuhhi kansa wala matud pa makita sa kaso sa maong abogado. Kahibaloang gi representahan si Roque sa anak niining si Bianca Hacintha alang sa nasangpit gna petition.
