BUTUAN CITY – Halos balik na sa normal ang kinabuhi sa China taliwa nga ika-17 kini sa mga nasud sa tibuok kalibutan nga duna’y pinakadaghang ihap sa mga natakbuyan sa coronavirus disease 2019 kon COVID-19.
Sa pakighinabi sa Bombo Radyo Butuan kang John Lloyd Dillinger, taga-Cabadbaran City, Agusan del Norte ug nagtudlo na sa Zhengzhou, China, gipadayag niining ubay-ubay na nga mga establishmento ang subling nag-abri ug nagpadayon na pagapdagan sa ilang tagsa-tagsa ka negosyo.
Gitugutan na usab ang mga panagtapok kon mass gathering ug kamatu-uran niini usa ka bulan nang abli ang mga sports centers sa Zhengzhou ingon man ang mga entertainment industries ug ang subway.
Dugang pa ni Dillinger taliwa nga duna na’y flight sa mga tugpahanan, pinili ra gihapon ang mga foreigners nga makasulod sa China dungan sa pagpadayag nga dili na makita sa nawong sa mga residente sa maong ang nasud ang hulga sa sa coronavirus.
Gipadayag pa niining abanse ang China kung hisgutan ang teknolohiya gani migamit ang gobyerno og QR scanning diha sa mga mobile phone nga nakapangalan sa tag-iya kondiin dinhi musuta kung asa gikan ang usa ka indibwal hinungdang dali lang ang contact tracing resulta sa sayong pagkontrola sa maong sakit.
