BUTUAN CITY- Gi-anunsyo sa Trump administration niadtong weekend ang dakong kabag-ohan sa immigration policy sa Estados Unidos.
Ubos sa bag-ong patakaran, ang mga indibidwal nga adunay temporary visas nga gustong mag-apply og green card kinahanglang mo-balik una sa ilang mga kaugalingong nasud aron mo-agi sa consular processing.
Kani-adto, tugotan ang mga aplikante nga magsumite sa adjustment of status samtang anaa sulod sa U.S., hilabi na ang nga asawa sa U.S. citizens ug ilang mga anak. Sa bag-ong sistema, ang aplikasyon mo-agi na sa mga embahada o konsulado sa U.S. sa gawas sa nasud.
Gibana-banang ma-apektuhan ang kapin usa ka milyong mga aplikante nga kasamtangang naghuwat sa ilang green card.
Sumala sa U.S. Citizenship and Immigration Services (USCIS), subling sa “extraordinary circumstances” o kung aduany dakong economic benefit sa U.S. tugotan ang adjustment of status sulod sa nasud.
Hugot usab nga gisupak sa mga immigrant advocates ug pipila ka magbabalaod ang maong lakang, tungod posible kining makahimo og family separation ug dugang nga kahasul sa mga aplikante.
Sa kinatibuk-an, ang bag-ong polisiya nagtumong nga hugtan ang proseso sa permanent residency ug utrohon ang dugay nang sistema sa immigration sa Amerika.
