BUTUAN CITY- Gitawag sa Philippine National Police-Criminal Investigation and Detection Group kon PNP-CIDG nga usa ka overkill ang gihimong pagpabuto og pusil sa mga pwersonnel sa Office of the Sergeant-At-Arms (OSAA) sulod sa Senado.
Sumala ni CIDG Director Major General Robert Alexander Morico II nga ming-abot sa 44 ka basyo sa bala ang ilang nakulekta gikan sa upat ka armas.
Sa nasangpit nga ihap 36 sa mga basyo gikan sa sulod o indoor samtang walo usabang ang gikan sa gawas.
Adunay upat ka armas ang gigamit kung asa tulo niini gikan sa OSAA ugsa usa usab ang gikan sa National Bureau of Investigation kon NBI.
Lakip usab sa gibulgar sa CIDG nga adunay 26 ka basyo sa bala ang nakuha gikan sa pusil nga gigamit ni Senate Sergeant-At-Arms Mao Aplasca.
Saigon sa CIDG official nga nahimong “overkill” ang gihimo sa OSAA tungod sa daghang gipabuto samtang lima ka buto lang ang gikan sa NBI.
