BUTUAN CITY – Misaka ang kaso sa dengue fever dinhi sa dakbayan sa Butuan kumpara ning mi-aging tuig sama usab sa natala sa ubang mga dapit sa tibuok nasud.
Sa eksklusibong pakighinabi sa Bombo Radyo Butuan, gibutyag ni City Councilor Cherry Mae Busa, chairman sa Committee on Health sa Sangguniang Panlungsod, base sa record sa City Health Office, sa unom pa lang ka buwan ning tuiga, mi-abot na sa 86 ka mga kaso sa dengue fever ang ilang natala kansa mas taas kumpara sa natala nga 84 ka mga kaso lang, sa entiro tuig 2021.
Pinakadaghan niini na-monitor sa upat ka mga barangay ning siyudad apil niini ang Brgy. Ampayon, Holy Redeemer ug Doongan rason nga didto nakasentro ang advocacy campaign ilabina ang pagpahigayon og sampling.
Anaa usab ang clean-up drive dayong awhag sa tanan nga manglimpyo kaunay sa palibot ug pangkuhaon ang mga posibleng masudlan og tubig nga mahimong mapuy-an ug ma-itlugan sa mga lamok nga nagdala sa dengue.
