BUTUAN CITY – Nadugangan na usab og 45 ka mga kumpirmadong kaso sa COVID-19 ang Caraga Region kondiin gilangkuban ang mga niini nga dunay 8 sa Agusan del Norte kondiin 6 ang Nasipit ug 2 sa Las Nieves samtang 2 usab sa San Francisco Agusan del Sur, 1 sa Bakwag Surigao del Norte, 1 usab sa Surigao City, 4 sa Tandag City ug 29 niini taga Butuan City.
Ug kini gilangkuban sa Libertad nga dunay 4, Dagohoy 3 , San Vicente 3, Villa Kanangga 3, ug Tag Duha sa Diego Silang ug San Ignacio, samtang tag usa usab sa Barangay Ampayon, Baan KM 3, Baan River Side, Bayanihan, Bonbo, Dumalagan, Holy Rredemeer, Humabon, JP-Rizal, Lumbucan, Maon ug Tagabaca.
Sa karon dunay bag-ong 12 ka mga Local Transmission nga gikataho ug katibuk-ang 29 na ang Local Transmission.
Gikan sa maong ihap 16 niini mga asymptiomatic, 27 mga m ild symptoms, ug 2 ka severe sa COVID-19.
As of Septembre 24,2020 dunay 1 ka namatay nga adunay kalabutan sa covid gikan sa miaging mga nakumpirmang kaso sa sakit ug kini usa ka 64 anyos nga lalaki, Taga Butuan City, ug walay nakita nga comorbidity, onset nga ubo ug shortness sa ginhawa kaniadtong Septyembre 9 ug gi admit niadtong Septyembre 17,2020 .
Ug tungod sa komplikasyon, namatay ang pasyente kaniadtong Septyembre 23. Sa kasamtangan ang rehiyon sa Caraga duna na’y katibuk-ang 1,166 nga kumpirmadong kaso sa virus, 642 ang mga nakarekober,488 ang pabiling aktibong kaso ug 36 na ang patay sa COVID-19.
