BUTUAN CITY – Nadugangan pa ang ihap sa Covid-19 sa rehiyon sa Caraga tungod sa 20 ka bag-ong kaso nga nadugang.
Karung adlawa sa dihang nadawat sa Department of Health kon DOH-Caraga ang 123 ka RT-PCR results gikan sa Southern Philippines Medical Center molecular sub-national laboratory og Northern Mindanao Gene Expert TB Reference Laboratory diin 103 ang negatibo og 20 positibo sa COVID-19 virus.
Sa RT-PCR negative results nagsumikad sa mga kaso sa lima (5) gikan sa Suspect cases nga anaa sa Butuan Doctors’ Hospital og Butuan Medical Center Annex; 10 sa Probable cases gikan sa Agusan del Sur og Bislig City Quarantine Facilities;ug 88 nga natumbok nga dunay close contact sa kanhe COVID-19 positive cases og mga indibidwal nga positibo sa Rapid Antibody-based Tests.
Samtang sa 20 ka bag-ong positibong kaso, 11 o 55% ang Locally Stranded Individuals, 6 o 30% ang Local Transmission gikan sa Butuan City ug 3 o 15% ang Returning Overseas Filipinos.
Sa maong ihap, 11 o 55% ang lalaki samtang 9 o 45% ang babaye. Nagpangedaron ang mga niini sa 20 ngadto sa 30-anyos.
Ang bag-ong confirmed cases nagsumikad sa mga lugar sa Butuan City nga dunay 7, Bayugan City (1), Surigao City (1), Bislig City (4), Nasipit, Agusan del Norte (1), municipalidad sa Agusan del Sur-Loreto (1), Prosperidad (1), Rosario (1), Veruela (1), og mga lungsod sa Surigao del Norte- sa Mainit (1), Malimono (1).
Sa maong ihap 19 o 95% ang asymptomatic samtang usa ang dunay mild symptoms. Ang tanang kaso anaa na sa estriktong pagmonitor sa nagkadaiyang quarantine facilities sa tibook rehiyon.
Sa kasamtangan ang Caraga region duna nay COVID-19 confirmed positive cases nga 372 diin 269 o 72% ang nakarekober samtang 102 o 27% ang pabiling aktibong kaso.
