BUTUAN CITY – Nadugangan na usab og 5 ka mga bag-ong namatay ang Caraga Region tungod sa COVID-19 samtang laing 55 ka mga bag-ong kaso sa COVID-19 ang nadugang sa listahan, base sa pinaka-ulahing situation report nga gipagawas sa Department of Health-Center for Health and Development kon DOH-CHD Caraga.
Sa maong ihap, 44 ang mga local transmission cases kondiin 27 niini ang mga bag-ong local transmission, 12 ang duna’y close contact sa mga kanhi kumpirmadong nagpositibo sa maong sakit, 2 ang mga frontliners ug 3 ang mga healthcare workers.
Gawas sa 44 ka mga local transmission, natala usab ang tag-usa ka mga nataptang frontliner, nakabiyahe sa lugar nga duna’y local transmission, locally stranded individual, duna’y close contact sa tawong kanhi COVID-19 positive, 3 ang mga health workers ug upat ang wala’y travel history sa lugar nga duna’y local transmission o kaha exposure ngadto sa COVID-19.
Sa maong ihap usab, 51% ang anaa sa edad nga 41 hangtud 70-anyos kondiin upat ka buwan nga bata ang pinakabata samtang 83-anyos ang pinaka-edaran samtang 33 ang mga babaye kon 60-porsiento samtang 40% ang mga lalaki nga mi-abot sa 22.
Sa maong mga kaso usab, pinakadaghan ang natala sa Butuan City nga mi-abot sa 17 kansa nabahin sa Brgy. Ambago ug Golden Ribbon nga mitala og tag-3, tagduha usab sa Brgy. Libertad ug Baan Km. 3 samtang tag-usa sa Brgy. Bading, Bancasi, Banza, Dagohoy, Obrero, Pigdaulan ug Pinamanculan.
Nagsunod sa Butuan City ang Bislig City sa Surigao del Sur nga mi-abot sa 11 og natala sa Brgy. Mangagoy nga mi-abot sa walo samtang 2 sa Brgy. Lawigan ug 1 sa Brgy. Poblacion.
Pito usab ang natala sa Cabadbaran City ug lalawigan sa Agusan del Norte nga nabahin sa mga lungsod sa Las Nieves-3; 2 sa Buenavista samtang tag-usa usab sa Nasipit ug Santiago samtang 5 sa Agusan del Sur ng nabahin sa mga lungsod sa San Francisco ngfa duna’y 4 samtang usa usab sa Rosario.
Tag-duha usab ang natala sa Surigao City ug lalawigan sa Surigao del Norte nga natunga sa mga lungsod sa Del Carmen ug Taganaan ug 4 sa Tandag City.
Sa bag-ong mga kaso usab, 23 ang wala’y mga simtomas kon asymptomatic; 27 ang duna’yt mild samtang 5 ang duna’y severe symptoms ug lima ang nadugang sa mga patay.
