BUTUAN CITY- Mukabat sa 200-mil pisos ang gibana-banang damyos sa pagka-abo sa 12 ka mga panimalay human gilamoy sa kalayo kagabii sa may Purok Alugbati, Brgy. Golden Ribbon ning siyudad sa Butuan.
Sa pakighinabi ning sibyahan, gibutyag ni Senior Fire Officer 1 kon SFO1 Jezil Asis nga nagsugod pag-ulbo ang kalayo pasado alas-5:42 sa hapon kansa dali gilayon nilang girespondihan rason nga nakontrola ang kalayo pasado alas-6:23 adiser nadeklarang fireout pasado alas-8:50 kagabii.
Dugang sa opisyal, wala’y gikatahong casualty sa maong hitabo ug dugay nadeklara ang fireout tungod kay ila pang gisiguro nga wala na’y agipo ang nasunugan sa ingon dili na kini mu-ulbo pa pinaagi sa ilang gihimong overhauling.
Sigon ni Asis, posible pang madugangan ang damyos higayong matapos na ang imbestigasyon ilabina kung ila nang mahinabi ang mga tag-iya ug ma-assess sa mga butang nga apil sa nasunog.
