BUTUAN CITY – Paspas nga misaka ngadto sa 8-month high ang non-performing loan kon NPL ratio sa mga bangko sa nasud niadtong Abril kumpara sa lending growth, nga nagsalamin sa malahutayong mga epekto sa misaka nga mga borrowing costs sa pipila ka kabalayan ug mga pamatigayon.
Base sa datus gikan sa Bangko Sentral ng Pilipinas (BSP), ang gross NPL ratio sa banking industry misaka ngadto sa 3.37 percent niadtong Abril gikan sa 3.29 porsiento niadtong Marso, apan nagpabiling ubos gamay kumpara sa 3.39 porsientong natala sa susamang buwan ning mi-aging tuig.
Ang NPLs maokadtong mga loans kansang principal o interest payments pabiling wala mabayri sa mu-ubos 90 ka mga adlaw human milapas sa due.
Gikonsidera kining risky assets tungod kay nag-indicate man kini sa mikunhod nga kapasidad sa borrowers sa ilang kapasidad nga subling mubayad sa ilang utang.
