BUTUAN CITY- Mangita pa og pondo ang Commission on Elections (COMELEC) sa posibleng paghimo og special elections sa ika-upat nga distrito sa Cavite nunot sa pagkabante sa pwesto ni kanhi Cavite 4th District Rep. Kiko Barzaga.
Sa mensaheng gipadala ni COMELEC Chairman George Erwin Garcia sa Bombo Radyo Philippines, sigon niining wala matud pay nakagahin nga budget ang poll body alang sa maong election tungod dili kini lakip sa ilang gipangandamang election sa kasamtangang tuig.
Pagklaro ni Garcia nga base sa balaod, kinahanglang mohimo og special elections aron matapalan ang nakabakanteng pwesto sa Kamara. Bisan paman, kinahanglan pang masuta sa COMELEC kung asa kuhaon ang gikinahanglang pondo alang niini.
Sumala pa sa COMELEC chairman, ang special elections kinahanglang himuon sa dili mo-ubos 60 ka adlaw ug dili mo lapas sa 90 ka adlaw sukad sa opisyal nga pagdeklarang bakante ang posisyon.
