BUTUAN CITY – Klaro matud pa ang tinguha sa minority bloc sa Senado nga pugngan ang imbestigasyon kalabot sa lapad nga kurapsyon tungod sa anumalusong mga flood control projects.
Sigon ni Engr Dioric Gavino, secretary general sa Sara All Movement, kini ang klarong mensahe sa paglawgaw sa mga majority senators nga gihimo ngadto sa ilang mga ka-ubanan ilabina sa ilang gihimong pag-pressure ingon man pag-walkout kansa pagpa-ubos lang sa ilang dignidad ug pagkatawo.
Dugang ni Engr Gavino, ang mga post sa social media, nakatabang og dako aron masayran sa tanang katawhan sa tibuok kalibutan ang mga kasikas nga gihimo karon sa mga opisyales sa gobyerno nga waka na namao.
Klaro matud pa kaayo nga desperadong lakang na lang kini sa mga minority senators tungod kay mawala ang ilang plano nga sundon ang mando sa ilang labaw ilabina nga gibarugan na sa ilang mga ka-ubanan sa minoriya nga independent sila gikan sa compass sa Malakanyang.
