BUTUAN CITY – Nakatala og bag-ong moderately explosive eruption ang bulkang Kanlaon kaganinang udto, base sa report ug obserbasyon sa mga otoridad.
Klarong nakita ang maong pagbuto gikan sa barangay Lalagsan sa lungsod sa La Castellana, Negros Occidental, diin nakuhaan kini og mga hulagway sa mga residente pasado alas-12:48 sa udto.
Sumala sa inisyal nga pahibalo, nagsugod ang pagglihok sa bulkan pasado alas-12:46 sa udto ug natapos sa wala pa mag-ala-1:00 sa hapon.
Samtang padayon nga nag-awhag ang National Disaster Risk Reduction and Management Council kon NDRRMC ug ang DOST-PhiVolcs ngadto sa publiko nga magpabiling alerto ug mosunod sa mga pahimangno sa kaluwasan tungod sa posibleng pag-ulan sa abo ug sa posibilidad sa dugang nga kalihokan sa bulkan.
