Agusan del Sur, kampante nang mag-host og nga national ug int’l swimming competitions

BUTUAN CITY – Kampante na ang probinsyal nga panggamhanan sa Agusan del Sur nga mag-host og national ug international swimming competitions tungod kay nasulod man sa international standards ang ilang swimming pool.

Sigon ni Governor Santiago ‘Santi’ Cane Jr, ang mga positibong komento nga ilang nadawat tungod sa nindot nila nga swimming pool, nagdasig kanila nga kaya na nilang mu-host sa mas dagkong mga swimming events.

Ang maong mga komento usab ang naghatag kanila og kalipay tungod kay mao matud pa kini ang bayad sa tanan nilang mga sakripisyo nga gihimo gikan sa preparasyon hangtud na sa mismong event nga nagpadayon gihapon.