BUTUAN CITY- Mikabat na sa 240,000 ka residente sa Kuancheng County, Hebei Province sa China ang naapektuhan sa Bagyong Bavi human kini mitugpa sa nasod, nga nagdala og kusog nga ulan ug grabeng pagbaha sa daghang bahin sa amihanan ug amihanan-sidlakang China.
Dul-an sa 1,800 ka residente ang na-stranded samtang gipadayon sa mga awtoridad ang pagbalhin ug paghatag og temporaryong kapuy-an sa mga apektadong pamilya. Gipataas usab sa red alert ang Liaoning Province tungod sa hulga sa kalit nga pagbaha, diin gisuspinde ang trabaho, negosyo, pipila ka biyahe sa tren, ug klase sa ubang mga lugar.
Giingong kini ang labing kusog nga bagyo nga miigo sa mainland China karong tuiga, ug gipasidan-an sa China Meteorological Administration nga posible pang mosangpot og thunderstorms, hailstorms, ug kusog nga hangin nga moabot sa 117 kilometro matag oras, nga mahimong mopasamot pa sa pagbaha sa daghang lalawigan.
