BUTUAN CITY – Mi-abot sa ₱1,020,000.00 nga kantidad sa suspected shabu ang nakumpiska sa gilusad nga anti-illegal drug operations gikan sa duha ka mga high-value individuals ning mi-aging adlaw didto sa Brgy. Cubi-Cubi, Nasipit, Agusan del Norte.
Nakumpiska gikan nila alyas Arnold, 54-anyos, usa ka ngosyante ug alyas Leah, 48-anyos, kinsa parehong nadakpan atol sa drug buy-bust operation ang 150-gramo sa gidudahang shabu, ₱10,000 nga cash, ug mga non-drug paraphernalia.
Nasayrang pila ka buwan nang gi-surveillance ang negosyante kinsa nadakpan na kaniadto sa susamang kalapasan apan nakapyansa.
Sigon sa intelligence reports, naggikan sa laing rehiyo ang nakumpiskang ug ipangkatag unta sa nagkada-iyang lugar sa Caraga region.
Gipasakaan na og kasong paglapas sa Republic Act 9165 kon mas nailang Comprehensive Dangerous Drugs Act of 2002, ang mga suspetsado.
