BUTUAN CITY – Mi-ubos ngadto sa pinaka-ubos nga lebel sulod sa 15 ka buwan ang foreign exchange reserves sa nasod niadtong Abril, samtang posible nga gigamit sa Bangko Sentral ng Pilipinas o BSP ang reserve funds aron mapugngan ang kusog nga paglihok sa piso ug pangbayad sa utang sa gobyerno gawas nasod.
Base sa preliminary data sa BSP, ang gross international reserves o GIR mi-abot na lang sa $104.13 bilyon sa katapusan sa Abril, ubos og 2.4 porsyento gikan sa $106.64 bilyon niadtong Marso.
Mas ubos usab kini og 1.1 porsyento kumpara sa $105.31 bilyon sa Abril sa miaging tuig ug kini na ang pinaka-ubos nga GIR sukad sa $103.27 bilyon nga natala niadtong Enero 2025.
Ang GIR naglangkob sa foreign currencies, foreign investments, ug bulawan nga gigamit sa nasod aron masiguro nga adunay igo nga dolyar alang sa importasyon, pangbayad sa utang sa gawas nasod, ug pagtabang sa pagpugong sa kalit nga pag-usab sa kantidad sa piso.
