BUTUAN CITY- Gisiguro sa abogado ni kanhi House Speaker ug Leyte Rep. Ferdinand Martin Romualdez nga si Atty. Ade Fajardo nga andam ang iyang kliyente nga mo-atobang sa unsa mang reklamong posibleng ipasaka sa Office of the Ombudsman kalabot sa flood control scam.
Sumala ni Fajardo, walay unsa mang ebidensiya batok kang Romualdez ug wala pay gihimong preliminary investigation tungod anaa sa case build-up pa lamang ang maong hisgutanan.
Gi-insistar usab niini, nga walay nahimong partisipasyon ang kanhi Speaker sa pagpondo ug pagpatuman sa mga flood control project.
Gikwestyon usab niFajardo ang kredibilidad sa mga testigo tungod sa daw pagusab-usab sa ilang mga pamahayag.
Matud pa niini, tubagon ni Romualdez ang mahimong imbestigasyon sa Independent Commission for Infrastructure (ICI).
Gihatagan og ginbugaton sa abogado nga nagpabiling anaa sa nasud si Romualdez ug padayon nga gihimo ang responsibilidad isip representative sa Leyte 1st District, ug andam mo tubag sa unsa mang reklamo sa hustong proseso sa Ombudsman.
