BUTUAN CITY – Mikalma na ang mga supporters ni outgoing US President Donald Trump nga misulong sa Capitol building sa Washington human gipatuman ang curfew tungod sa kagubot nga ilang gimugna.
Sa eksklusibong pakighinabi sa Bombo Radyo Butuan, gibutyag sa Cabadbaranon teacher didto sa US nga si Ferdinand Nakila, ang gihimo ni Trump, naghatag og ka-ulawon sa Amerika ngadto sa tibuok kalibutan ug nawad-an na hinuon og respeto ang mga tawo tungod sa paglawgaw sa outgoing president sa unta hapsay nga pag-certify sa kada-ugan ni US President-elect Joe Biden.
Suicide matud pa ang gibuhat sa mga supporters nil Trump apan bisan pa man, wala na matud pa’y mahimo ang kampo ni Trump tungod kay gitamdan man sa kadaghanang mga magbabalaud ang resulta sa November presidential elections.
