BUTUAN CITY- Mingperma na ang Israel ug Lebanon og usa ka framework agreement sa Washington, D.C. aron sugdan ang proseso sa pagtapos sa panagbangi tali sa Israeli military ug sa Hezbollah, human sa pipila ka adlaw nga negosasyon.
Ang kasabutan gipermahan sa mga embahador sa Lebanon ug Israel uban sa representante sa Estados Unidos, diin sumala ni Israeli Prime Minister Benjamin Netanyahu, gitugotan ang pwersa sa Israel nga magpadayon sa pag-okupa sa habagatang bahin sa Lebanon kon mapakyas ang Hezbollah sa pagdis-arma.
Gibutyag usab ni US Secretary of State Marco Rubio nga motabang ang Amerika sa pagpatuman sa kasabutan pinaagi sa usa ka Trilateral Military Coordination Group ug maghatag og $100 milyon nga humanitarian assistance alang sa mga naapektuhan. Samtang gihulagway ni Lebanese Ambassador Nada Moawad ang kasabutan isip unang dakong lakang sa pagpasig-uli sa soberanya sa Lebanon.
Ang panagbangi misamot niadtong Marso 2 human maglunsad og rocket attacks ang Hezbollah batok sa Israel, nga gisundan sa dagkong air ug ground assaults sa Israel nga nakapatay og kapin sa 4,000 ka tawo ug nakapapahawa sa kapin usa ka milyon ka residente sa Lebanon
