BUTUAN CITY – Gikumpirma sa World Health Organization kon WHO nga mi-uyon ang Israel nga muhimo og sunod-sunod nga humanitarian pauses sa Gaza aron matugutan ang pagbukana sa mga bata batuk sa polio.
Sigon ni senior WHO official Rik Peeperkorn, tumong niini nga mabakunahan ang 640,000 nga kabataan sa kinatibuk-ang Gaza strip nga sugdan karong Dominggo.
Himuon kini sa tulo ka managlahing hugna sa kinatibuk-ang central, southern ug northern parts sa maong lugar.
Sa matag-hugna, ihunong sulod sa tulo ka sunod-sunod nga adlaw ang giyera tali sa strip gikan sa alas-sais sa buntag hangtud na sa alas-tres sa hapon.
Nasabutan kini pipila ka adlaw human gibutyag sa mga opisyales sa United Nations nga usa ka napulo ka buwang bata ang partial nga naparalisa human nataptan sa unang kaso sa polio nga natala sa Gaza sulod na sa 25 ka mga tuig.
Mi-abot sa 1.26-million doses sa novel oral polio vaccine type 2 kon nOPV2, ang anaa na sa Gaza samtang laing 400,000 ka dugang doses ang mu-abutay.
