BUTUAN CITY- Nailhan na ang usa ka lalaki nga napalgang wala nay kinabuhi ug naglutaw-lutaw sa baybayon sa Boulevard, Surigao City, kagahapon sa buntag, Merkules, Abril 22, 2026.
Sa media interview ngadto kang PLT Mark Cillo, ang investigator sa Surigao City Police Station, giila ang biktima nga si Alexis Olvina, 35 anyos, ulitawo, ug residente sa Navalca, Purok 4, Barangay San Juan sa maong dakbayan.
Nadawat sa kapulisan ang report kalabot sa maong patayng lawas pasado alas 11:00 sa buntag. Gilayon kining gihaw-as gikan sa dagat sa mga personahe sa Philippine Coast Guard ug gidala sa punenarya.
Sa pagkakaron, gitakdang ipailalom ang lawas ni Olvina sa usa ka post-mortem examination aron masuta kon unsa ang tinuod nga hinungdan sa iyang kamatayon. Padayon pa usab ang imbestigasyon sa kapulisan kon aduna ba’y nahitabo nga foul play sa maong insidente
