BUTUAN CITY – Kasamtangan nang giandam ang dugang pang mga kasong ipasaka mahitungod sa flood control anomaly.
Sigon ni Ombudsman Jesus Crispin Remulla nga dunay nakalinya pang lima hangtud sa unom ka kaso ng sunod nga iduso sulod sa duha ka semana.
Bisan og wala na naghatag pa og dugang detalye ang Ombudsman mahitungod niini.
Gikumpirma usab sa Ombudsman nga si kanhe House Speaker Martin Romualdez ang gitumbok nga magbabalaod nga giisyuhan na og freeze order.
Kagahapong adlawa gitaho sa Anti-Money Laundering Council (AMLC) nga nakakuha kini og freeze order gikan sa Court of Appeals (CA) sa assets sa usa ka wala ginganlang magbabalaod nga matud pa nalambigit sa flood control corruption scandal.
Sakop sa freeze order sa korte ang 25 ka bank accounts sa magbabalaod og 10 ka insurance policies nga nakarehistro sa ilalom sa iyang pangalan.
Ang nasangpit nga freeze order kabahin sa nagpadayon nga imbestigasyon sa mga nalambigit sa maanomalusong flood control projects sa gobyerno.
Samtang gihayag usab sa Ombudsman nga ang kasamtangang kaso gipailalom sa preliminary investigation ug giobserbahan niini ang due process tungod kay ang ilang kalaban gikan sa gobyerno nga dunay daghang kwarta ug gahum.
