-- ADVERTISEMENT --
BUTUAN CITY- Nasikop na sa mga otoridad ang usa ka 31-anyos nga si Cole Tomas Allen kinsa namusil sa gihimong White House Correspondents’ Dinner sa Washington, D.C. kagabii oras sa Amerika, diin anaa si Presidente Donald Trump, First Lady Melania Trump, ug daghang opisyal sa administrasyon.
Gilayon nga gi-evacuate ang mga dignitaryo samtang gipugngan sa Secret Service ang suspek nga armado ug adunay handgun ug mga kutsilyo. Usa ka ahente sa Secret Service ang naigo apan nakaluwas tungod sa bulletproof vest.
Padayon ang imbestigasyon sa FBI aron masuta ang motibo sa suspek, samtang nagpasalamat si Presidente Trump sa paspas nga aksyon sa mga otoridad ug mipahayag nga i-reschedule ang dinner sulod sa 30 ka adlaw.
