BUTUAN CITY- Kakulba ang minglibot sa gihimong White House Correspondents’ Association dinner human sa kalit nga pagbuto nga nadungog sulod sa venue, hinungdan nga gipahawa dayon sa Secret Service si President Donald Trump ug First Lady Melania Trump.
Usa ka oras human sa insidente, nag-post si Trump sa Truth Social nga nadakpan na ang usa ka suspek ug iyang giila ang paspas nga aksyon sa mga otoridad. Ang mga dinapit sa hapunan, nga naglangkob og kapin sa 2,600 ka tawo, dali nga nagpanik ug mingtago ilawom sa mga lamesa samtang ang mga waiter midagan palayo.
Nakita si Trump ug ang First Lady nga nagkupos sa likod sa dais sa wala pa sila gipagawas sa mga ahente. Ang mga opisyal sa seguridad nga nagsul-ob og combat gear misulod dayon sa dining hall aron masiguro ang kaluwasan sa tanan. Gani karun nasabutan nila nga ipostpone ang maong event ug ipahigayon na usab sulod sa 30 ka adlaw.
