BUTUAN CITY- Gipahibalo sa US Forces nga ilang gi-boarding ang usa ka barko nga nagkarga og Iranian oil sa Indian Ocean. Samtang gipadayag usab ni US President Donald Trump nga adunay na sila’y “total control” sa Strait of Hormuz ug mopusil sa bisan kinsang sakayan nga magbutang og mina sa maong dapit.
Sigon ni Trump, nga “bisan unsa pa ang iyang buhaton, mamahimong mabungahon ang posibleng resulta niini” hilabi na kalabot sa iyang hulga batok sa “civilisation” sa Iran.
Samtang, ang deputy speaker sa Iranian parliament mingbutyag usab nga nakadawat na ang Iran og unang bayad sa shipping tolls sa Strait of Hormuz, apan wala na niini hinganli pa kung si kinsa ang nagbayad ug pila ang kantidad.
Kahinumduman niadtong Miyerkules giatake sa Iran ang tulo ka cargo ships nga misulay og agi sa Strait of Hormuz ug giangkon nga gikompiska nila ang duha niini.
