BUTUAN CITY -Gitaho sa United States Central Command nga naglusad og daghang ballistic missiles ang Islamic Revolutionary Guard Corps (IRGC) gikan sa Iran pasado alas-5:45 sa hapon (Eastern Time) sa Estados Unidos, batok sa mga puwersa sa Amerika sa Middle East kondiin ang tanan, malampusong na-intercept sa U.S. forces.
Kabahin jkini sa nagkagrabeng tensyon sa rehiyon, diin dugay na nga adunay bangi tali sa Iran ug Estados Unidos tungod sa presensya sa mga tropa sa Amerika sa maong rehiyon.
Ang Islamic Revolutionary Guard Corps na-ila nga nag-unang puwersa militar sa Iran nga kanunay nalambigit sa mga operasyon batok sa interest sa U.S. ug sa mga kaalyado niini.
Bisan pa nga na-intercept ang mga missiles, nagpabiling taas ang kabalaka nga mahimong mosamot pa ang sitwasyon ug magdala og mas lapad nga gubat sa rehiyon.
Sa pagkakaron, padayon nga gibantayan sa U.S. forces ang mga lihok sa Iran ug gisiguro nga andam silang motubag sa bisan unsang hulga aron mapreserbar ang seguridad sa ilang mga tropa ug kaalyado sa tung-tungang sidlakan..
