BUTUAN CITY – Wala’y hunong ang pagpangita sa pamilya nila Wilma ug Junrey Meñoza uban sa ilang mga kabanay ug mga silingan aron lang makita ang na-missing nila nga 2-anyos nga anak ning mi-ging adlaw.
Kagabii, duna sila’y gihimong ritwal tungod sa punuan sa kahoy’ng balite uban sa pangindahay nga ma-uli kanila ang ilang anak kung gikuha matud pa sa mga dili ingon nato.
Sigon sa inahang si Wilma, gipatan-aw lang niya og salida sa cellphone ang iyang anak sulod sa ilang balay tungod kay nanilhig siya sa ilang tugkaran.
Dihang gibalikan na niya kini, wala na ang bata ug wala siya masayod kung na-unsa kini o asa kini mipadulong.
Duha matud pa ang agi-anan sa ilang balay, usa sa main entrance samtang ang usa sa kusina ug blangko siya kung mipadulong ba kini sa kusina.
Nahurot na niya og pangita ang sulod sa ilang balay apil na ang palibot hangtud na sa kasilinganan apan wala nila kini makit-i hangtud nga nagpatabang na siya sa ilang mga silingan apan pakyas gihapon.
