BUTUAN CITY – Opisyal nang gi-anunsyo ni LeBron James nga mubalhin na siya sa Philadelphia 76ers human sa taas ug kontrobersyal nga free agency decision.
Sa edad nga 41-anyos, mipirma siya og 2-ka tuig nga kontrata nga nagkantidad og $8 milyones, uban sa tumong nga tabangan ang Sixers nga matapos ang kapin 40 ka tuig nga pagka-uhaw sa kampyunato.
Sumala ni James, kini na ang iyang katapusang desisyon ug gusto niyang tapuson ang iyang karera pinaagi sa paghatag og bag-ong titulo sa koponan. Ang kanhi superstar sa Los Angeles Lakers nakahukom nga magpadayon pa sa pagdula human sa seryosong paghunahuna nga magretiro.
Dakong kausaban ang iyang pagbalhin sa Eastern Conference, ilabina kay gila-uman nga mas lig-on ang Sixers uban nila Joel Embiid ug Tyrese Maxey.
Ang desisyon ni James naghatag og bag-ong paglaum sa mga fans sa Philadelphia ug nagpamatuod nga bisan sa iyang ika-24 nga season, nagpabilin gihapon siyang usa sa labing kusog nga pwersa sa NBA.
