BUTUAN CITY- Gikomperma sa US military nga minghimo sila og “self-defence strikes” sa Qeshm Island sa Iran samtang gi-target usab sa Iranian missiles ug drones ang installations sa Amerika sa Kuwait ug Bahrain.
Gikalipay sa kampo sa Amerika nga gilusad nila ang self-defense attack isip resulta sa aktibidad sa Iran sa rehiyon lakip ang dili lang pag-atake sa US Fifth Fleet sa Bahrain kundi ingon man sa Qeshm Island.
Sa usa ka statement, sigon sa US Central Command kon CENTCOM nga duha ka ballistic missiles nga gipabuto sa Iran sa Kuwait, ang mingpalpak ug wala na-igo ang target niini samtang tulo ka missiles nga gibuhi-an padulong sa Bahrain ang nababagan sa US ug Bahraini forces.
Samtang, gikumperma usab sa US nga na-intercept nila ang tulo ka drones nga gibuhi-an sa Iran padulong sa civilian mariners sa rehiyon.
Gibarugan usab sa Estados Unidos nga taliwa sa panagbangi tali sa mga pwersa sa US ug Iran, nagpadayon gihapon ang ceasefire tali sa duha ka nasud.
