BUTUAN CITY – Gimando karon ni Philippine National Police kon PNP Chief Police General Jose Melencio Nartatez, Jr., ang internal cleansing sulod sa ilang han-ay human ang pagka-aresto sa tulo ka mga kadete tungod sa alegasyong hazing, timaan sa mas istriktong kampanya batuk sa pag-abusar sulod sa ranggo sa umalabot nga mga police officers.
Gikondena kini sa PNP chief dayong butyag nga dili i-tolerate sa ilang han-ay ang bisan unsang porma sa hazing dayong sa rason nga ang disiplina, kinahanglang magsugod sulod sa police organization.
Nasayrang tulo ka mga kadete gikan sa Philippine National Police Academy kon PNPA ang gikostudiya sa Criminal Investigation and Detection Group kon CIDG tungod sa alegasyong hazing nga gihimo ngadto sa kapin 20 ka mga underclassmen nga miresulta sa pagbaton nila og mga paso ug injuries human matud pa gi-expose ang mga biktima sa gisagol nga drain cleaner ug muriatic acid.
Migawas nga natigayon kini nga insidente niadtong Biernes Santo sulod sa Barracks 2 sa PNPA.
