-- ADVERTISEMENT --
BUTUAN CITY – Gidayeg ni Department of Education Undersecretary for Operations Malcolm Garma ang probinsyal nga panggamhanan sa Agusan del Sur tungod sa organisado ug epektibo niining preparasyon alang sa Palarong Pambansa 2026.
Atol sa katapusang adlaw sa ilang final technical conference kagahapon, gipadayag sa opisyal nga bisan og wala pa niya nalibot ang tanang mga playing venues ug mga billeting quarters, apan nakita na niya ang hugot nga pagpangandam sa probinsyal nga panggamhanan.
Gimando na usab niay nga dili padulaon ang mga atletang duna’y balatian sa adlaw sa ilang dula aron ma-atiman ang ilang panglawas.
Gani karon pa lang, nakita na niyang ang Palarong Pambansa 2026 mao na ang ‘Best Palarong Pambansa Ever.’
