BUTUAN CITY- Gihatagan og katin-awan sa Department of Justice kon DOJ nga wala nasikop sa mga otoridad sa Check Republik si kanhi Ako Bicol Partylist Representative Zaldy Co.
Sumala ni Justice Spokesperson Atty. Polo Martinez, nga ang kanhi magbabalaod wala masikop kunid gikuhaan o gideprive lang sa kalayaan o liberty mao nga gusto niining likayan ang paggamit sa central arrest sa gihimo nga aksyon sa gobyerno sa Czech Republic sa kanhi kongresista.
Pagkalaro pa sa maong tigpamaba, nga dili pwedeng sikopon sa maong nasud si Co tungod walay gi-isyu nga arrest warrant batok niini. Subling sa Pilipinas lang matud pa kini adunay gi-atubang nga warrant nunot sa gi-isyu sa korte tungod sa mga kasong gipasaka batok sa kanhi magbabalaod. Angayan usab matud pa nga ikonsidera nga lahi ang jurisdiction sa Czech Republic sa Pilipinas ug adunay managlahing balaod ug proseso nga gisunod.
Kalabot usab niini, gikomperma ni Spokesperson Martinez, nga nakagawas na sa nasud si Justice Secretary Frederick Vida padulong sa Czech Republic kauban si Chief State Counsel Dennis Chan. Prioridad sa pag-abot sa Czech Republic ang pagbukas og bag-ong dialogo arun hisgtan ang pagpauli ni Kanhi Congressman Co.
Gi-angkon usab sa tigpabamaba nga wala pay kasiguraduhan kung unsa kadugayon ang mahimong negosasyon sa Justice Department sa Pilipinas sa Czech Republic.
