BUTUAN CITY – Gikumpirma sa Police Regional Office kon PRO-13 nga niadto pang Enero ning tuiga nila gisugdan ang ilang intelligence monitoring sa nahimutangan ni Kabus Padatoon kon KAPA founder Joel Apolinario.
Base sa press statement nga gipagawas sa maong buhatan, gimando ni Pangulong Duterte ang hugot nga pagpangita sa gitaguan ni Apolinario.
Dinhi na migawas sa ilang monitoring nga nakapalit matud pa kini og usa ka pribadong resort sa hilit nga lugar sa Sitio Dahikan, Brgy. Salvacion sa Lingig, Surigao del Sur.
Base pa sa ilang nakuhang impormasyon, nagpadayon ang konstruksyon sa mansion ng gipanag-iyahan sa KAPA founder kansa hugot nga gibantayan sa mg kadaghanan kanhi servicemen nga hitsas sa mga short ug high powered firearms.
Dinhi na gihan-ay ang ilang gitawag nga ‘COPLAN Scammer’ aron masiguro ang kalampusan sa hini-usang law enforcement operation.
Madumdumang giklaro sa Securities and Exchange Commission kon SEC nga Ponzi scheme ang gi-adaptar sa KAPA – usa ka investment program nga naghanyag og imposible kaayong taas nga balik sa kwarta ug mubayad sa mga investors gamit ang kwartang nabubo sa ulahi nga mga investors.
