BUTUAN CITY – Giklaro sa Philippine National Police (PNP) nga wala sila’y nadawat nga validated intelligence report kalabot sa hulga sa seguridad sa pagsa-ulog sa Independence Day karong Hunyo 12.
Sigon ni PNP public information officer-in-charge Col. Allen Rae Co, andam silang maghatag og update ug muhimo’g tukmang aksyon higayong duna’y maberipika nga report sa posibleng hulga tungod kay vigilant ug fully deployed ang ilang mga puwersa sa ingon masiguro ang kaluwasan sa publiko sa maong adlaw.
Maghimo usab sila og regular deployment sa kapulisan sa maong adlaw.
Gawas pa, duna na usab sila’y gi-andam nga contingency plans aron ma-aksyunan gilayon ang bisan unsa mang insidente, sama sa m i-aging mga lihok-protesta niadtong Septembre 21 ning mi-aging tuig nga nagkagubot.
Alayon niini gitambagan sa PNP ang publiko nga likayan ang pagpakaylap og mga sayop nga impormasyon ug i-beripika una ang ilang madawat nga mga balita.
