-- ADVERTISEMENT --

BUTUAN CITY – Gikwestiyon ni Senator-Judge Raffy Tulfo ang kamahinungdanon sa pagpresentar pa sa depensa kang Atty. Rainer de la Fuente isip testigo sa ika-44 nga adlaw sa impeachment trial batuk kang Vice President Sara Duterte.

Sigon ni Tulfo, balik-balik na nilang gihisgotan sa impeachment court ang mga probisyon sa Bank Secrecy Law, lakip na ang mga eksepsiyon niini alang sa impeachment proceedings ug ang gahom sa korte nga mangayo og impormasyon kabahin sa mga bank accounts.

Direkta pang gipahimangnuan ni Tulfo si De la Fuente nga dili maglikay-likay sa mga pangutana ug kinahanglan direktang motubag sa mga senador.

Giklaro usab sa senador nga wala siya’y personal nga isyu batok sa abogado, apan isip usa ka eksperto sa anti-money laundering nga gipresentar sa depensa, gilauman niini nga klaro, direkta ug walay likoy-likoy ang iyang mga tubag.