BUTUAN CITY- Namintinar ni Pinoy mixed martial arts fighter Joshua Pacio ang iyang ONE Strawweight World Championship belt.
Kini human nga gipildi si Keito Yamakita sa Japan.
Nahimong agresibo ang Japanese fighter sa ilang away nga gipahigayon sa Tokyo, Japan.
Apan pag-abot sa ika-upat nga round disto na ming-arangkada ang mga sumbag ug submission sa Pinoy fighter.
Aduna pay nabiling 17 segundos sa ika-upat nga round dihang gipa-andar na ni Pacio ang iyang arm-triangle choke hinungdan nga napugos ang Japanese fighter nga mo-surrender nalang.
Kini na ang ika-duhang sunod-sunod nga kadaogan ni Pacio pinaagi sa submission.
Tungod niini aduna na kini 25 ka daog ug 5 ka pildi kung asa adunay 10 ka submission sa iyang 19 ka away.
Samtang si Yamakita adunay 13 ka daog ug duha ka pildi.












