BUTUAN CITY – Gikumpirma ni Impeachment Court Presiding Office Chiz Escudero nga dili makatambong sa pagtaral karong adlawa si Rowena Mendoza, ang usa sa upat ka mga saksi sa defense council subay sa pagpadayon sa impeachment trial batuk kang Vice President Sara Duterte.
Sigon ni Escudero, gi-angkon ni Mendoza nga nadawat niini ang subpoena nga gipadala sa korte apan nangayo og dispensa nga dili una kini makatambong karong adlawa tungod sa iyang gi-aprubahang opisyal nga lakaw ngadto sa Frankfurt, Germany.
Mihangyo kini nga hatagan siya og igong panahon nga makolekta ang mga dokumentong gipangayo sa impeachment court subay na usab sa gi-isyu nga subpoena duces ticum ug subpoena ad testificandum.
Si Mendoza mao ang Department Manager III sa Center for International Expositions and Missions (CITEM), o awtorisadong representante niini.
Magpresentar unta siya sa mga komunikasyon ug imbitasyon nga gihatag sa ahensiya ngadto sa Cale88 alang sa mga food exposition.
Gawas kanya ug kang Atty Rainer de la Fuente, apil usab sa mga saksi sa depensa sila Dr. Ceferino Rodolfo – Undersecretary sa Department of Trade and Industry (DTI) ug hepe sa Board of Investments (BOI) ug Pilar Marilyn Pagayunan – Director sa Food and Drug Administration (FDA) Center for Food Regulation and Research.
Siya ang maghisgot kabahin sa product registration sa sweetened banana chips nga produkto sa Cale88.












